Փարիզում Charlie Hebdo խմբագրության վրա գործած հարձակման հետևանքով զոհերի թիվը հասել է 11-ի: Եվս հինգ վիրավոր ծանր վիճակում է: Այս մասին հայտնել է Reuters-ը:
Ավելի վաղ, 10 մարդու մահվան լուրը հաստատել է Փարիզի դատախազությունը: AFP գործակալության տվյալներով' զոհվածների թվում երկու ոստիկան կա:
Ըստ ականատեսների՝ կրակոցներից անմիջապես հետո շենքը սև հանդերձանքով երկու տղամարդ է լքել: Ենթադրվում է, որ հարձակվողները զինված են եղել ավտոմատ զենքերով և նռնակներով:
Միջադեպի տարածքը շրջափակված է: Շենքի մոտ են ժամանել իրավապահ մարմինների և արտակարգ իրավիճակների ծառայությունների աշխատակիցները:
Նախկինում ամսագիրը բախվել էր հրապարակված նյութերի քննադատության խնդրին:
