«Բոքո Հարամ» արմատական խմբավորման գրոհայիններն ուրբաթ օրը հարձակվել են Բորնո նահանգի ավելի քան տասը գյուղի վրա, որոնք սահմանամերձ են Կամերունին: Այս մասին հայտնել է ՏԱՍՍ-ը:
Հարձակման են ենթարկվել Կալա-Բալգե շրջանի բնակավայրերը:
Ըստ ականատեսների՝ ծայրահեղականները ներխուժել են գյուղեր և սպանել խաղաղ բնակիչներին հրազենի օգնությամբ: Զոհերի թիվը հայտնի չէ:
Հարյուրավոր մարդիկ լքել են իրենց տները և հատել Կամերունի սահմանը:
Նիգերիայի իշխանությունները փորձում են կայունացնել իրադրությունը, որպեսզի բարենպաստ պայմաններ ստեղծվեն մարտի 28-ին նախագահական և խորհրդարանական ընտրությունների անցկացման համար:
