Ըստ ՀՀ ոստիկանության օպերատիվ հաղորդագրությունների ամփոփագրերի՝ 2018 թ. հունվարի 3-ից 4-ը հանրապետությունում գրանցված ճանապարհատրանսպորտային պատահարների վիճակագրական պատկերը հետեւյալն է.
Երեւան - 3 դեպք, 3 վիրավոր
Հունվարի 3-ին՝ ժամը 02.15-ին, Արշակունյաց պողոտայի եւ Քրիստափորի փողոցի խաչմերուկում միմյանց են բախվել «Նիսսան» եւ «Մերսեդես-Բենց» մակնիշների ավտոմեքենաներ, ինչի հետեւանքով «Նիսսան»-ի վարորդը մարմնական վնասվածքներով տեղափոխվել է հիվանդանոց:
***
Հունվարի 3-ին՝ ժամը 12.10-ին, «Միցուբիշի» մակնիշի ավտոմեքենան Տիտոգրադյան եւ Խաղաղ-Դոնի փողոցների խաչմերուկում վրաերթի է ենթարկել 1933 թ. ծնված Ալբերտ Ա.-ին, որը մարմնական վնասվածքներով բուժօգնության է տեղափոխվել հիվանդանոց:
***
Հունվարի 3-ին՝ ժամը 12.10-ին, «Տոյոտա» մակնիշի ավտոմեքենայի 22-ամյա վարորդը Տիգրան Մեծի պողոտայի թիվ 71 հասցեի մոտ վրաերթի է ենթարկել 1987 թ. ծնված Երազիկ Հ.-ին, որը մարմնական վնասվածքներով տեղափոխվել է հիվանդանոց:
***
Մարզեր - 6 դեպք. 1 զոհ, 12 վիրավոր
Հունվարի 3-ին՝ ժամը 19.00-ի սահմաններում, «ՎԱԶ 2106» ավտոմեքենայի վարորդը Կարենիս համայնքի Գյուղ Մուշ փողոցի թիվ 45 տան հարակից ճանապարհահատվածում վրաերթի է ենթարկել 1941 թ. ծնված Արփենիկ Կարապետյանին, որը տեղում մահացել է:
Կատարվում է նախաքննություն:
***
Հունվարի 3-ին՝ ժամը 17.30-ի սահմաններում, «Մերսեդես»-ի 60-ամյա վարորդը Էջմիածին քաղաքի Կոմիտասի անվան հրապարակին հարակից հետիոտնի համար նախատեսված անցման վրա վրաերթի է ենթարկել 1964 թ. ծնված Սուսաննա Ղ.-ին եւ հեռացել դեպքի վայրից:
Կինը «շտապօգնության» ավտոմեքենայով տեղափոխվել է հիվանդանոց:
«Մերսեդես»-ի վարորդը ներկայացվել է բաժին եւ հանձնվել ճանապարհային ոստիկանությանը:
Կատարվում է հետաքննություն:
***
Հունվարի 3-ին՝ ժամը 16.00-ի սահմաններում, «ՎԱԶ 2106» մակնիշի ավտոմեքենայի 21-ամյա վարորդը Արգել գյուղի 1-ին փողոցի թիվ 12 տան դիմաց վրաերթի է ենթարկել 10-ամյա Արման Ա.-ին, որը մարմնական վնասվածքներով տեղափոխվել է հիվանդանոց:
***
Հունվարի 3-ին՝ ժամը 18.00-ի սահմաններում, «Մերսեդես» մակնիշի ավտոմեքենան Աշտարակ-Երեւան ճանապարհի 6-րդ կմ-ի հատվածում բախվել է էլեկտրասյանը եւ շրջվել, որի հետեւանքով 72-ամյա ուղեւորը մարմնական վնասվածքով դիմել է հիվանդանոց:
***
Հունվարի 3-ին՝ ժամը 20.40-ի սահմաններում, Գյումրի քաղաքի Վ.Սարգսյան փողոցի թիվ 34 հասցեի դիմաց միմյանց են բախվել «ՎԱԶ-2106» եւ «Մերսեդես» մակնիշների ավտոմեքենաներ, ինչի հետեւանքով 2 վարորդները եւ «ՎԱԶ-2106»-ի ուղեւորներ' 1985 թ. ծնված Արտակ Մ.-ն, 1958 թ. ծնված Մայրամիկ Գ.-ն, 1994 թ. ծնված Հռիփսիմե Գ.-ն, ինչպես նաեւ «Մերսեդես»-ի ուղեւորներ՝ 1979 թ. ծնված Տիգրան Մ.-ն, 1980 թ. ծնված Ռուբիկ Գ.-ն, մարմնական վնասվածքներով տեղափոխվել են հիվանդանոց:
Կատարվում է նախաքննություն:
***
Հունվարի 3-ին՝ ժամը 15.00-ի սահմաններում, Արթիկ քաղաքի Բաղրամյան փողոցի թիվ 21/2 հասցեի դիմաց միմյանց են բախվել «ԳԱԶ 3110» եւ «ԳԱԶել» մակնիշների ավտոմեքենաներ, ինչի հետեւանքով «ԳԱԶ 3110»ի ուղեւորուհիներ՝ 1959 թ. ծնված Կարինե Բ.-ն եւ ՌԴ քաղաքացի 1986 թ. ծնված Անժելա Բ.-ն մարմնական վնասվածքներով տեղափոխվել են հիվանդանոց:
