Լիբանանյան բանակը ձերբակալել է Սիրիայի ազատ բանակի ղեկավարներից Աբդ Ալլահ Ռիֆաաին, ով փորձել է Լիբանան մուտք գործել կեղծ փաստաթղթերով: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Արսալի մերձակայքի Ուա դի Համիդ շրջանի անցագրային կետում կանգնեցվել է նրա մեքենան:
Աբդ Ալլահ Ռիֆաաին Սիրիայի ազատ բանակի ռազմական խորհրդի նախագահն է և Կալամունի շրջանի մարտերի պատասխանատուն:
Ձերբակալված Ռիֆֆային ուղեկցում էր Խալիդ Հեյդար Հուջեյրին, ով հավանաբար փորձում էր նրան փախցնել դեպի Արսալի բարձունքներ:
Լիբանանյան բանակը նաև մի քանի կասկածելի անձնանց է ձերբակալել և համապատասխան հետաքննություն է կատարում նրանց ինքնությունը պարզելու ուղղությամբ:
