Աբխազիայի խորհրդարանը փետրվարի 25-ին հավանություն է տվել հանրապետական 2015 թվականի բյուջեի օրինագծին, որը քննարկման էր ներկայացվել երկրի նախագահի կողմից, տեղեկացնում է «Արմենպրես»-ը:
2015 թվականի պետբյուջեի եկամուտները պլանավորված են 11,757 մլրդ ռուբլու չափով, իսկ ծախսերը՝ 11,998 մլրդ ռուբլի ծավալով: 240,5 մլն ռուբլու չափով դեֆիցիտը պլանավորվում է ծածկել Աբխազիայի ազգային բանկի վարկերի և ներքին այլ աղբյուրների հաշվին:
Ինչպես նշում է ՌԻԱ Նովոստին, եկամուտների ընդհանուր գումարից 2,887 մլրդ ռուբլին ՌԴ-ի ֆինանսական օգնությունն է Աբխազիայի սոցիալ-տնտեսական զարգացման համար, 5,438 մլրդ ռուբլին՝ ՌԴ-ի միջոցները բյուջետային ներդրումների համար, որոնք կկատարվեն 2015-2017 թվականներին հանրապետության սոցիալ-տնտեսական զարգացմանն աջակցելու ներդրումային ծրագրի շրջանակներում:
Դեֆիցիտի ֆինանսավորման աղբյուրների ադմինիստրատորը կլինի Աբխազիայի ֆինանսների նախարարությունը:
