ՄԱԿ-ը մտադիր է շտապ կարգով ավելացնել հումանիտար օգնության մատակարարումները Սիրիայի Հալեպ քաղաքին, եթե հաջողվի իրագործել մարտական գործողությունների տեղային «սառեցման» պլանը: Այդ մասին, ինչպես տեղեկացնում է «Արմենպրես»-ը, հայտարարել է ՄԱԿ-ի գլխավոր քարտուղարի օգնական, հումանիտար արցերի համակարգողի տեղակալ Կյունգ Վա Կանգը:
«Մենք պլանավորում ենք շտապ կարգով տրամադրել անհրաժեշտ պարենամթերքն ու այլ պաշարներ, ինչպես նաեւ վերակագնել բազային կոմունալ ծառայությունների աշխատանքը, այդ թվում՝ էլեկտրականության մատակարարումը եւ կոյուղու համակարգը, հավաքել փլատակները, երեխաներին վերադարձնել դպրոցներ եւ նորոգել վնասված տները»,- հայտնել է Կանգը ՄԱԿ-ի Անվտանգության խորհրդի նիստում:
Ըստ ՌԻԱ Նովոստիի՝ բրիֆինգ անցկացնելով ԱԽ-ում՝ նա նշել է, որ ՄԱԿ-ը կօգտվի Սիրիայում հումանիտար գործողություններն ընդլայնելու ցանկացած հնարավորությունից, այդ թվում՝ հակամարտության «սառեցումից»:
