Մադրիդի «Ռեալի» առաջատար Կրիշտիանու Ռոնալդուն իր նոր CR7 խաղակոշիկների պրոմոակցիայի շրջանակներում փաթեթավորել և խաղակոշիկի է «վերածել» Պորտուգալիայի հավաքականում իր թիմակից Ռիկարդո Կուարեժմայի մեքենան:
Ռոնալդուն թվիթերյան իր էջում կատարել է հետևյալ գրառումը և տեղադրել լուսանկար.
«Հեյ, Կուարեժմա, կարծում եմ՝ մեր հաջորդ խաղին կարող ես մի փոքր արագությունդ ավելացնել»:
Կուարեժման իր հերթին կատարել է հետևյալ գրառումը.
«Կրիշտիանու, խնդրում եմ, ասա, որ դու իրականում ոչ մի նման բան չես արել մեքենայիս հետ»:
Նշենք, որ կիրակի օրը Լիսաբոնում պորտուգալացիները Եվրո 2016-ի ընտրական փուլի շրջանակներում կհանդիպեն Սերբիայի ընտրանուն:
