«Թուրքիան կիսում է հայ ժողովրդի ցավը՝ 1915 թ. ողբերգական իրադարձությունների հետ կապված», ասված է Թուրքիայի նախագահ Ռեջեփ Թայիփ Էրդողանի կողմից հայերին հասցեագրված ուղերձում, որն ընթերցվել է Պոլսո հայոց պատրիարքարանի կողմից կազմակերպված պատարագի ժամանակ: Այս մասին գրում է «ՌԻԱ Նովոստին»:
Պատարագն անցկացվում է Ստամբուլի Սբ. Աստվածածին եկեղեցում: Առաջին անգամ նման միջոցառմանը պաշտոնապես մասնակցում է թուրքական կառավարության անդամ՝ ԵՄ հարցերով նախարար Վոլկան Բոզկիրը:
«Մենք տեղյակ ենք տխուր իրադարձությունների մասին, որոնք վերապրել է հայ համայնքն անցյալում: Անկեղծորեն կիսում ենք ձեր ցավը: Ցանկանում եմ, որպեսզի դուք իմանաք, որ մեր սրտերը բաց են Օսմանյան կայսրության հայերի բոլոր սերունդների համար»,- ասված է Էրդողանի ուղերձում:
