Վարշավայում հուլիսի 10-ից կմեկնարկի չորսօրյա միջոցառում նվիրված հայտնի ռեժիսոր Սերգեյ Փարաջանովին: Միջոցառումը, որ կկրի «Սերգեյ Փարաջանովի օրերը Լեհաստանում» խորագիրը կներառի ֆիլմերի ցուցադրություններ, քննարկումներ, հատուկ երեկոներ եւ ցուցահանդեսների անցկացում:

 

 

Ինչպես հաղորդում է «Արմենպրես»-ը' վկայակոչելով «Radiopolsha»-ն, հանդիսատեսը հնարավորություն կունենա դիտելու Փարաջանովի երկու ամենահայտնի ֆիլմերը' «Մոռացված նախնիների ստվերները» եւ «Նռան գույնը»: Կցուցադրվի նաեւ Ռոման Սիրմանի «Վտանգավոր անկախ մարդը» ֆիլմը' նվիրված մեծ ռեժիսորին: Միջոցառման ընթացքում տեղի կունենա նաեւ հանդիպում Լորա Գուերայի հետ, ով Փարաջանովի մտերիմ ընկերներից է: