«Գագիկ Ծառուկյան» բարեգործական հիմնադրամն արդեն մի քանի օր է, ինչ հանրապետության ամբողջ տարածքում սկսել է տոնական միջոցառումների շարք:
Ձմեռ պապիներն ու ձյունանուշները հազարավոր նվերներ են տարել սահմանամերձ գյուղեր:
Հանդիպումների ժամանակ Գագիկ Ծառուկյանը հանձնարարել է հատկապես մեծ ուշադրություն դարձնել սահմանամերձ գյուղերում բնակվող երեխաներին:
Բացի Տավուշի մարզ ուղարկված նվերներից աջակցություն է ցուցաբերվել նաև Կոտայքի մարզի ավելի քան հիսուն համայնքների տասնյակ հազարավոր բնակիչների:
Ուշադրության կենտրոնում ոչ միայն հասարակության խոցելի խմբերն են, այլևˋ մարզի սոցիալապես անապահով բոլոր ընտանիքները: Նրանց խնդիրներին Գագիկ Ծառուկյանն անձամբ է ծանոթանում մարզի տարբեր համայնքներ կատարած պարբերական այցելությունների ժամանակ:
