Վրաստանի նախագահ Գեորգի Մարգվելաշվիլին շնորհավորել է հայ համաքաղաքացիների Սուրբ ծնունդը:
«Հարգելի համաքաղաքացիներ, սրտանց շնորհավորում եմ Սուրբ Ծննդի կապակցությամբ։ Հայերի և վրացիների բարեկամությունն այնքան հին է, որքան մեր երկրների պատմությունը։ Գնահատելի է ձեր ավանդը Վրաստանի կառուցման և զարգացման գործում։ Մենք ևս հպարտանում ենք այստեղ ծնված բազմաթիվ հայ արվեստագետներով, գիտնականներով և հասարակական գործիչներով, ինչպես ձեր պատմական հայրենիք Հայաստանը»,-ասվում է նախագահի հայտարարության մեջ, որը հրապարակվել է նրա Facebook-ի պաշտոնական էջում:
Վրաստանի նախագահը մաղթել է նաև, որ 2017 թվականը հայ ազգի և նրանց ընտանիքների համար լինի առողջության, երջանկության, բարության և խաղաղության տարի։
