Տնտեսական զարգացման և ներդրումների նախարար Արծվիկ Մինասյանն ի պատասխան վարչապետ Նիկոլ Փաշինյանի հարցի՝ նշեց, որ զբոսաշրջության ոլորտում առաջին կիսամյակում արձանագրվել է 12 տոկոս աճ:
«Մենք արդեն ունենք կիսամյակային կտրվածքով շուրջ 12 տոկոս աճ ու սպասում ենք շատ ավելի մեծ հնարավորությունների, հատկապես, աշնանային շրջանում»,- ասաց Արծվիկ Մինասյանը։
Նա նշեց, որ բավական հետաքրքիր է թե գաստրոտուրիզմը, թե էթնոտուրիզմը, թե էկոտուրիզմը։ «Սրան գումարվել է նաև նոր Հայաստանը տեսնելու ցանկացողների թվի աճը»,- ընդգծեց նախարարը։
