Գյումրին սեպտեմբերի 30-ին նշում է Քաղաքի օրը: Այս անգամ քաղաքային իշխանությունները փոքր-ինչ փոփոխել են անցած տարիների ծրագիրը. օրվա մեկնարկն ազդարարվեց արձաններ լվալու միջոցառմամբ: Քաղաքապետարանի ջրցան մեքենաները և կամավորները առավոտ վաղ լվացին քաղաքի բոլոր հուշարձանները, ավելի ուշ կայարանամերձ հրապարակում երգ ու պարով դիմավորեցին գնացքով Երևանից Գյումրի ժամանած հյուրերին: Քաղաքի տոնը գյումրեցիների հետ նշելու էր եկել ՀՀ առաջին փոխվարչապետ Արարատ Միրզոյանը:
Օրվա խորհրդով պայմանավորված «Վերածնվող Գյումրի» խորագիրը կրող միջոցառումներ տեղի ունեցան Ռուսթավելի փողոցում՝ թատերականացված ներկայացումներ, արհեստների ցուցադրություն, հյուրասիրություն: Հոգևոր երգերից մինչև հայրենասիրական, ռոքից մինչև դասական՝ քաղաքի բոլոր հատվածներում տարբեր ծրագրերով հանդես էին գալիս քաղաքապետարանի ենթայակության կառույցների խմբերն ու անհատ կատարողները: Տիկնիկային ու պարային ֆլեշմոբ, համատեղ կտավի ստեղծում, հին ու նոր լուսանկարների ցուցահանդես՝ գյումրեցիներն ու քաղաք այցելած հյուրերն ազատ էին իրենց սրտի ուզած միջոցառմանը ներկայանալու:
«Գյումրիի հետ կապված ես իրականում մեկ ցանկություն ու երազանք ունեմ՝ ուզում եմ, որ Գյումրին այլևս երբեք խեղճ չլինի ևԳյումրիին վերադառնա իր ամբողջական կենսուրախությունը, աշխուժությունը, հումորը, սրամտությունը՝ չնայած դա երբեք չիպակասել ու որը միշտ իրեն հատուկ է եղել: Գյումրին պետք է կարողանա ամբողջովին շտկել իր մեջքը, իսկ դրա համար կանբազմաթիվ ներդրումային ծրագրեր»,- լրագրողների հետ ճեպազրույցի ժամանակ նշեց փոխվարչապետը՝ վստահեցնելով, որ կառավարությունը մեծ ուշադրություն է դարձնում Գյումրին և Շիրակի մարզին:
Երեկոյան Վարդանանց հրապարակում տեղի կունենա տոնական համերգ և հրավառություն:
Արմենուհի Մխոյան
