ՀՔԾ պետ Սասուն Խաչատրյանն արձակուրդ է մեկնել։ Այդ մասին որոշումն այսօր՝ դեկտեմբերի 22-ին, ստորագրել է վարչապետի պաշտոնակատար Նիկոլ Փաշինյանը։

Որոշման մեջ նշված է.

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 16-րդ մասով և «Նորմատիվ իրավական ակտերի մասին» Հայաստանի Հանրապետության օրենքի 39-րդ հոդվածով՝

1. Հայաստանի Հանրապետության հատուկ քննչական ծառայության պետ Սասուն Խաչատրյանին տրամադրել 2018-2019 աշխատանքային տարվա ամենամյա արձակուրդի մասը՝ 2018 թվականի դեկտեմբերի 21-ին:

2. Սասուն Խաչատրյանի արձակուրդում գտնվելու ընթացքում Հայաստանի Հանրապետության հատուկ քննչական ծառայության պետին կփոխարինի Հայաստանի Հանրապետության հատուկ քննչական ծառայության պետի տեղակալ Վլադիմիր Հովհաննիսյանը»։