ՌԴ Իրկուտսկ քաղաքում 16-ամյա պատանին փրկել է 9-ամյա աղջկան, որին փորձել է առևանգել մանկապիղծ տղամարդը:
Ինչպես հայտնում է НТВ-ն, ՌԴ ՔԿ տվյալներով՝ 48-ամյա մանկապիղծը, որը նախկինում արդեն երկու անգամ ազատազրկման էր դատապարտվել սեռական բնույթի հանցագործություններ կատարելու համար, նոյեմբերի 23-ին ուժով մեքենան է նստեցրել 9-ամյա աղջկան:
Այդ պահին ճանապարհով անցնող պատանին, լսելով երեխայի բղավոցը, չի կորցրել իրեն և օգնություն է խնդրել մոտ կայանված մեքենայի վարորդից: Նրանք միասին հետևել են մանկապիղծի մեքենային, փակել ճանապարհն ու ազատել աղջկան:
Չարագործին հաջողվել է թաքնվել, սակայն իրավապահների օպերատիվ գործողությունների արդյունքում մի քանի ժամ անց վերջինս ձերբակալվել է: Ներկա պահին նա կալանքի տակ է գտնվում, քրեական գործ է հարուցվել՝ «անչափահասի առևանգում» հոդվածով:
В Иркутске подросток спас 9-летнюю девочку, которую похитил педофил. Школьник случайно увидел, как мужчина силой затолкал в машину ребенка, и не прошел мимо. Он бросился за помощью к одному из взрослых, и вместе они догнали автомобиль и освободили школьницу
