Վաղը սկսում են միասնական ընդունելության քննությունները: Այս մասին ճեպազրույցի ժամանակ ասաց ԿԳՄՍ նախարար Արայիկ Հարությունյանը՝ հիշեցնելով, որ յուրաքանչյուր դիմորդ հանձնելու է մեկ քննություն:
«Երեխաները կարող են ինքնուրույն հասնել, իսկ եթե դա հնարավոր չէ, մեկ հոգի կարող է ուղեկցել նրանց, ինչից հետո պետք է լքի տարածքը:
Մենք սերտորեն համագործակցում ենք նաև ոստիկանության ու համայնքային իշխանությունների հետ: Տարածքներն ախտահանվելու են, մենք ապահովել են սոցիալական հեռավորության պարտադիր պահանջը, դիմորդները ջերմաչափվելու են քննական կենտրոններ մուտք գործելիս, ներկա են լինելու բուժաշխատողներ»,- ասաց Հարությունյանը՝ կոչ անելով ծնողներին հնարավորինս զերծ մնալ ավանդական հավաքներից, չկուտակվել քննական կենտրոնների մոտ:
Վարչապետ Փաշինյանն էլ իր հերթին հույս հայտնեց, որ քննական կենտրոնների մոտ հակահամաճարակային գծանշումներն արված են, ինչին ԿԳՄՍ նախարարը դրական պատասխան տվեց:
