ՌԴ նախագահ Վլադիմիր Պուտինը հայտարարել է Ռուսաստանում կորոնավիրուսի դեմ աշխարհում առաջին պատվաստանյութի գրանցման մասին։
«Որքան ես գիտեմ նոր կորոնավիրուսային վարակի դեմ պատվաստանյութն աշխարհում առաջին անգամ գրանցվել է այսօր», - ասաց նա կառավարության անդամների հետ հանդիպման ժամանակ: Այս մասին գրել է ria.ru-ն։

Նա առողջապահության նախարարության ղեկավար Միխայիլ Մուրաշկոյին խնդրել է իրեն մանրամասներ ներկայացնել այդ կապակցությամբ։

«Չնայած ես գիտեմ, որ այն աշխատում է բավականին արդյունավետ, ձևավորում է դիմացկուն իմունիտետ, և կրկնում եմ, կատարվել են բոլոր անհրաժեշտ ստուգումները», - ասել է Պուտինը:

Պուտինը նշել է, որ իր դուստրերից մեկն արդեն պատվաստվել է։