Կառավարական օդանավի անսարքության պխատճառով ԱՄՆ պետքարտուղար Ջոն Քերիի թռիչքը Թուրքիա ուշացել է, հաղորդում է «Ֆրանսպրեսը»:
Քերին պետք է Վաշինգտոնից թռչեր տեղական ժամանակով ժամը 7.00 –ին, սակայն օդանավի դուռը չի բացվել: Պետքարտուղարը, նրա տիկինը, թիկնապահները, օժանդակ անձնակազմը, ինչպես նաեւ ուղեկցող ԶԼՄ-ների ներկայացուցիչներն ստիպված լքել են օդանավը:
Որոշ ժամանակ անց պետքարտուղարին շտապ կարգով նոր օդանավ է հատկացվել: Հարկադիր ուշացումը պետքարտուղարի օրակարգից առնվազն երկու ժամ է խլել:
Քերին Ստամբուլ է ուղեւորվել Եվրոպա եւ Մերձավոր Արեւելք շրջայցի շրջանակում: Ենթադրվում է, որ գործընկերների հետ Քերին կքննարկի Սիրիայի եւ Հյուսիսային Կորեայի հետ կապված իրավիճակը:
