Ապրիլի 9-ի դեպքերից հետո չեն դադարում քննարկումները ֆեյսբուքյան խմբերում: Տարբեր տեսանյութերում երևում են կադրեր, որտեղ քաղաքացիական հագուստով անձինք բռնություն են կիրառում ՀՀ քաղաքացիների նկատմամբ: Ֆեյսբուքյան օգտատերերն ամբողջ համացանցով մեկ տարածում են լուսանկարներ և փնտում այդ անձանց ով լինելը:
Այս լուսանկարում քաղաքացիական հագուստով անձը Երևանի Արաբկիրի քրեական բաժնի պետի օպերատիվ գծով տեղակալ Ալբերտ Մարգարյանն է: Նա աչքի է ընկել քաղաքացիների նկատմամբ բռնի ուժի կիրառմամբ:
Երևանի ոստիկանապետ Ներսիկ Նազարյանն ակցիայի ժամանակ հայտարարեց, որ եթե նման բան լինի իրենք կպատժեն, որ ինքը չի նկատել նման դեպքեր, երբ քաղաքացիական հագուստով ոստիկաններ լինեն կամ համակարգի աշխատողներ:
Մնում է եզրակացնել' ինչ գործ ուներ այս անձը Բաղրամայան պողոտայի վրա' ապրիլի 9-ի ակցիայի ժամանակ, այն էլ այսպիսի բռնի գործողություններ իրականացնելիս:
Հիշեցնենք, որ Ոստիկանության մասին օրենքի 12-րդ հոդվածի համաձայն, ոստիկանությունը պարտավոր է ապահովել հասարակական կարգի պահպանությունը փողոցներում, հրապարակներում, զբոսայգիներում, երկաթուղային կայարաններում, օդանավակայաններում, ընտրական տեղամասերում, այլ հասարակական վայրերում, դատական նիստերի ընթացքում (դատարանների միջնորդությամբ):
Հասարակական կարգի պահպանությունն ապահովելիս ոստիկանության ծառայողները պարտավոր են կրել սահմանված ձևի համազգեստ, որի վրա տեսանելի մասում փակցվում են ոստիկանության ծառայողին անձնապես նույնականացնելու հնարավորություն տվող տարբերանշաններ:
(12-րդ հոդվածը խմբ. 01.06.06 ՀՕ-123-Ն, լրաց. 22.12.10 ՀՕ-7-Ն
Տեսանյութը՝ Սիվիլնեթի