ԳԱԼԱ. Արցախյան իշխանություններն ու ազգաբնակչությունը, սոցիալ-տնտեսական խնդիրներից զատ, կարեւորում են տարածաշրջանի անվտանգությունն ու խաղաղությունը: Արցախյան հիմնահարցի վերաբերյալ քաղաքացիների պնդումները նույնն են: Զիջելու ոչինչ չունեն եւ ակնկալում են հիմնախնդրի խաղաղ կարգավորում: Գործընթացում տեղաշարժեր դեռեւս չկան, դա, ըստ Արցախի նախկին փոխարտգործնախարարի, ունի իր բացատրությունը: 2012-2013 թվականները ընտրությունների տարիներ էին թե՛ Հայաստանի, թե՛ Արցախի, եւ թե՛ Ադրբեջանի համար: Դրանով պայմանավորված' բանակցային գործընթացն, ըստ Մասիս Մայիլյանի, փոքր-ինչ հետին պլան է մղվել: Արցախի նախագահ Բակո Սահակյանն, անդրադառնալով Արցախյան հիմնահարցին, կարեւորել է Արցախի իշխանությունների մասնակցությունը, առանց որի անհնար կլինի հաջողությունների հասնել:
