Թուրքիայի ԱԳՆ-ն հուլիսի 30-ին հանդես է եկել հերքումով՝ պնդելով, թե տեղեկություններն այն մասին, որ Անկարան որոշել է կասեցնել Եգիպտոսի հետ ձեռք բերած մի շարք համաձայնություններ, չեն համապատասխանում իրականությանը: Հաղորդագրության մեջ ասված է, որ այդ բոլոր համաձայնությունները ուժի մեջ են մնում:

Նշենք, որ նախօրեին թուրքական մամուլում լուրեր էին հայտնվել այն մասին, թե Անկարան սառեցրել է թուրք-եգիպտական երկկողմ կնքված մի շարք համաձայնություններ, ինչպես նաև կասեցրել է Եգիպտոսին ANKA տեսակի թուրքական արտադրության անօդաչու սարքերի մատակարարումը: Այս մասին հայտնում է Trend գործակալությունը: