«ԱԻՄ» Կուսակցության առաջնորդ Պարույր Հայրիկյանը և «Ժառանգություն» կուսակցության առաջնորդ Րաֆֆի Հովհաննիսյանը միացել էին ազատամարտիկների պայքարին: «ԱԻՄ» առաջնորդը ասաց,- «Միշտ զորակցել եմ ազատամարտիկների խմբին և նրանց հետ եմ անկախ ամեն ինչից»: Վերջինս տեղեկացրեց, որ վաղը Րաֆֆի Հովհաննիսյանի հրավիրած, անկախության 22 ամյակին նվիրված «Անկախությունը երեկ և այսօր» հանրահավաքին կմասնակցի նաև ինքը: Պարույր Հայրիկյանը նշեց, որ ինքը միշտ կողմնակից է եղել, որ երկիրը չպառակտվի, այդ իսկ պատճառով էլ վաղը համատեղ հանրահավաքով հանդես կգա: «Ժառանգություն» կուսակցության առաջնորդ Րաֆֆի Հովհաննիսյանն էլ իր հերթին նշեց, որ վաղը, ժամը վեցին՝ համազգային բողոք է: «Չկա Րաֆֆի, չկա Պարույր, թող Ազատության հրապարակ գան քաղաքացիական բոլոր խմբերը՝ նախախորհրդարան, բնապահպաններ, քաղաքացիական ակտիվիստներ, մենք պետք է ապացուցենք, որ համախմբված են և մեր դրոշը ոչ թե արժեզրկվելու է օտար մայրաքաղաքներում , այլ լինելու է հայ ազատամարտիկի, երիտասարդի փառք ու պատիվը»,-ասաց Րաֆֆի Հովհաննիսյանը:
