Ուկրաինայի նախագահ Վիկտոր Յանուկովիչը հայտարարել է, որ Մոսկվայում ստորագրված փաստաթղթերը և ձեռք բերված պայմանավորվածությունները չեն հակասում եվրաինտեգրմանը. հաղորդում է РИА Новости-ն:
«Այստեղ խոսքը ոչ թե ինտեգրման, այլ' տնտեսական հարաբերությունների մասին է»,-ասել է նա՝ խոսելով ստորագրված փաստաթղթերի մասին, որից հետո հարց հնչեցրած լրագրողին հանձնել է փաստաթղթերի փաթեթ և առաջարկել ծանոթանալ դրա հետ:
«Երբ մենք ձեզ հետ տեսնենք, որ մեզ նման պայմանները բավարարում են, մեզ համար դա շահավետ է, և մենք պաշտպանում ենք մեր ազգային շահերը, անկասկած, կընդունվի դրական որոշում»,-ասել է Յանուկովիչը՝ խոսելով Եվրամիության հետ ասոցացման պայմանագրի հավանականության մասին:
