Միացյալ Նահանգները դադարեցնում է Ռուսաստանի հետ համագործակցությունը տիեզերական բնագավառում, բացառությամբ Միջազգային տիեզերակայանի ծրագրի: Ինչպես տեղեկացնում է NASA-ն, այս որոշումն ընդունվել Է Ուկրաինայի նկատմամբ Ռուսաստանի գործողությունների կապակցությամբ:
«Հաշվի առնելով Ռուսաստանի կողմից Ուկրաինայի ինքնիշխանության եւ տարածքային ամբոջականության շարունակվող խախտումները՝ NASA-ն դադարեցնում Է Ռուսաստանի Դաշնության հետ շփումների մեծ մասը,- ասված Է ԱՄՆ-ի տիեզերական գերատեսչության հայտարարության մեջ:- Այնուամենայնիվ, NASA-ն եւ «Ռոսկոսմոսը» կշարունակեն փոխգործակցությունը Միջազգային տիեզերակայանի անվտանգության եւ անընդհատ աշխատանքի ապահովման ուղղությամբ»:
Ավելի վաղ Պենտագոնի ներկայացուցիչները հայտնել են, որ Ուկրաինայի շուրջն ստեղծված իրադրության կապակցությամբ ԱՄՆ-ը դադարեցրել Է Ռուսաստանի հետ կոնսուլտացիաները հակահրթիռային պաշտպանության բնագավառում, հաղորդել Է ԻՏԱՌ-ՏԱՍՍ-ը:
