Արցախի հյուսիս-արևելյան ուղղությամբ տեղակայված զորամասերից մեկում զինծառայողների նախաձեռնությամբ փոքրիկ եկեղեցի է կառուցվում: Այս մասին լրագրողների հետ զրույցում ասաց զորամասի դիվիզիոնի հրամանատարի անձնակազմի հետ աշխատանքների գծով տեղակալ Վարդան Խաչատրյանը՝ հավելելով, որ աշխատանքներն արդեն մեկնարկել են:
«Աշխատանքը կազմակերպում ենք մենք հենց մեր ուժերով: Մեկնարկը երեք օր առաջ է եղել: Հիմքը մաքրել ենք, հիմնականում բացել ենք տեղը: Ճարտարագետը Գևորգ Ավետիսյան է՝ Շուշիի եկեղեցու վերանորոգողը, նա էլ կազմել է հատակագիծը»,- ասաց Վարդան Խաչատրյանը և նշեց, որ աշխատանքը կատարելու են զինվորները:
Նշենք, որ լրագրողների այցը Լեռնային Ղարաբաղի Հանրապետություն կազմակերպել էր Մայր Աթոռ սուրբ Էջմիածինը՝ Վեհափառ Հայրապետի օրհնությամբ և World Vision Հայաստանի աջակցությամբ:
Մանրամասները՝ Լուրեր.com-ի պատրաստած տեսանյութում:
