Հայոց ցեղապսանության տարիներին Հալեպի Փրկության տանը հաստատված հայերին պատկանող փաստաթղթերը և նյութերը թարգմանվել և հրատարակվել են թուրքերեն: Ինչպես հաղորդում է «Արմենպրես»-ը, այս մասին տեղեկացնում է Ստամբուլի հայկական «Ակոս» պարբերականը:
Գիրքը հրատարակվել է «Հալեպի ապաստարան 1922-1927» խորագրով: Այն լույս է տեսել «Ալֆա» հրատարակչատան կողմից:
Հալեպի Փրկության տունը ստեղծվել է Հայոց ցեղասպանության տարիներին: Այն օգնել է ցեղասպանության ժամանակ որբացած շատ հայ երեխաների գտնել իրենց բարեկամներին և միանալ ընտանիքների հետ:
