Վերջին շրջանում, չգիտես ինչու, մամուլում ակտիվ խոսակցություններ են շրջանառվում, թե իբր Գյուղատնտեսության նախարար Սերգո Կարապետյանի գլխին սև ամպեր են կուտակվում։ Այս խոսակցությունը բավականին անտրամաբանական է այն առումով, որ Սերգո Կարապետյանն այն բացառիկ նախարարներից է, ով տարին փակեց բավականին բարձր ցուցանիշներով, ոլորտում իրականցրեց լայնամասշտաբ բարեխոփումներ։ Ու զարմանալին այն է, որ այդ խոսակցությունները ժամանակ առ ժամանակ ակտիվանում են։
Նման խոսակցությունների համար կան մի քանի հավանական տարբերակներ։
Տարբերակներից մեկն այն է, որ իր քաղաքական թիմի մարդկանց դուր չի գալիս նրա վարած գործունեությունը այն իմաստով, որ նախարարը կաշառակեր չէ, այլ կերպ ասած՝ փող չի վերցնում, ու փող չի տալիս իր քաղաքական թիմի վերնախավին։ Իսկ դա, բնականաբար, նրանց դուր չի գալիս։
Երկրորդ հավանական տարբերակն այն է, որ նախարարի բավականին կիրթ ու բարեխիղճ գործունեությունը դուր չի գալիս այլ քաղաքական ուժերի, քանի որ այդպիսով բարձրանում է ինչպես նախախարի, այնպես էլ կուսակցության հեղինակությունը։
Նախարարի կատարած աշխատանքի վերաբերյալ դրական կարծիք ունի հանրապետության նախագահ Սերժ Սարգսյանը, այդ է վկայում այն փաստը, որ Սերգո Կարապետյանը դեռևս մեկ տարվա նախարարի գործունեության համար պարգևատրվել էր նախագահի կողմից մեդալով։ Այս հանգամանքը հավանաբար լուրջ խանդի պատճառ է հանդիսացել ու այդպիսի հոդվածների պատվիրման պատճառ դարձել։
Եթե հետադարձ հայացք ձգենք դեպի անցյալ, ապա պարզ կտեսնենք, որ գյուղատնտեսության ոլորտում դրական լուրջ տեղաշարժեր են նկատվել և որ ամենակարևորն է, դա փաստում են նաև իրենք' գյուղացիները, որոնք տարիներ շարունակ ունեին չլուծված խնդիրներ։ Այժմ իրավիճակն այլ է։ Իհարկե, Հայաստանում կան ոլորտներ, որոնք ունեն բացթողումներ, բայց խոսել գյուղատնտեսության ոլորտի թերացումների մասին, մեղմ ասած, անընդունելի է, քանի որ Սերգո Կարապետյանն այն նախարարներից է, ով կարողացավ շատ կարճ ժամանակում դրական տեղաշարժեր իրականացնել իր ղեկավարած ոլորտում:
