Ուկրաինայի նախագահ Պյոտր Պորոշենկոն և Գերմանիայի կանցլեր Անգելա Մերկելը հեռախոսազրույցում քննարկել են Դեբալցևոյում գերեվարված ուկրաինացի ռազմագերիների ազատ արձակման խնդիրը: Այս մասին հայտնել է rbc.ru-ն՝ հղում անելով Ուկրաինայի նախագահի մամուլի ծառայությանը:
Երկու երկրի ղեկավարները համաձայնվել են բոլոր ռազմագերիների ազատ արձակման անհրաժեշտությանը:
Կողմերը հայտարարել են, որ հրադադարի ռեժիմի խախտումները շարունակվում են: Նրանք քննարկել են կայուն հրադադարի ռեժիմին հասնելու ուղիները:
Մերկելը և Պորոշենկոն նշել են, որ ԵԱՀԿ-ի հատուկ մոնիթորինգային առաքելությունը պետք է լիակատար մուտք ունենա հակամարտության գոտու բոլոր շրջաններ:
Նախօրեին «Նորմանդական քառյակը» քննարկել է ռազմագերիների ազատ արձակման հարցը:
