Համացանցային բաց տվյալների ուսումնասիրության արդյունքում EcoNews.am-ը հայտնաբերել է տեսանյութ, որտեղ ոստիկանները ևս մասնակցում են շների փողոցային մարտերին՝ ոչ միայն չկանխարգելելով տեղի ունեցող ապօրինությունը, այլև նպաստելով դրան։

Տեսանյութը համացանց է բեռնվել 2019թ. մարտ ամսին «ГАМПР ГАМПР» օգտատիրոջ կողմից։ Վերջինս շների մարտերից տեսանյութեր է բեռնում սկսած 2017-ից:

Վերլուծելով բաց համացանցային տվյալները՝ ակնհայտ է դառնում, որ վերջինս զբաղվում է նաև շների բուծմամբ ու վաճառքով: Թեև մեզ անհայտ են օգտատիրոջ անունն ու ազգանունը, այնուամենայնիվ վերջինս, հավանաբար, Այգաբաց գյուղի բնակիչ է, որը գտնվում է ՀՀ Շիրակի մարզում: