Հալեպում մայիսի 13-ին Նոր Գյուղի և Ազիզիե հայաշատ թաղամասերում հրթիռներ ընկնելու հետևանքով հայ է վիրավորվել: Վիրավորը 25-ամյա Անտուան Դանիելյանն է, ով դեպքից հետո տեղափոխվել է հիվանդանոց:
Ավելի վաղ' մայիսի սկզբին, Հալեպի տարբեր թաղամասերում հրթիռներ և հրասանդներ ընկնելու հետևանքով տասնյակից ավելի հայեր էին վիրավորվել:
Սիրիական ՍԱՆԱ գործակալությունը տեղեկացնում է, որ սիրիական բանակը կանխել է զինված խմբավորումների մուտքը Հալեպի անվտանգ թաղամասեր: Տեղի ունեցած մարտերում տասնակից ավելի զինյալներ են սպանվել և վիրավորվել, ոչնչացվել են նրանց զենքերը: Բախումներ են ընթացել նաև ալ Լիրմուն, Զահրա, Աշրաֆիե թաղամասերում, որտեղ զինյալները մեծ կորուստներ են կրել:
ՄԱԿ-ի տվյալներով, Սիրիայում եռամյա հակամարտության ընթացքում զոհերի թիվը գերազանցել է 130հազարը: Զոհված հայերի թիվը գերազանցել է 90-ը:
