Եմենի հակամարտող կողմերը համաձայնության են եկել ստեղծել անցումային խորհուրդ երկիրը ղեկավարելու և քաղաքական ճգնաժամից դուրս գալու համար:
Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, այս մասին հայտարարել է Եմենի հարցով ՄԱԿ-ի բանագնաց Ջամալ բն Օմարը:
Անկախ նոր խորհրդի ձևավորումից' կպահպանվի 301 անդամ ունեցող խորհրդարանը:
Նրա խոսքով' առաջընթացը չի նշանակում վերջնական համաձայնություն, սակայն սա ճանապարհ կհարթի համընդհանուր համաձայնության համար:
Նման քայլեր ձեռնարկվել են այն բանից հետո, երբ շիա ապստմաբները գրավել են պետական կառույցներ և ստիպել են նախագահին հրաժարական տալ:
Ավելի վաղ ՄԱԿ-ի անվտանգության խորհուրդը շիա ապստամբներից պահանջել էր անհապաղ ազատել պետական կառույցները և նստել բանակցությունների սեղանի շուրջ՝ կարգավորելու սրված ներքաղաքական ճգնաժամը:
Եմենն այժմ գտնվում է շիա ապստամբների ձեռքում:
