Թուրքիայի և Ադրբեջանի զինված ուժերն այսօր համատեղ զորավարժանքներ են սկսել Բաքվում և Նախիջևանում: Այս մասին հայտնել է ՌԻԱ Նովոստին՝ հղում անելով Ադրբեջանի պաշտպանության նախարարությանը:
Վարժանքներն անցկացվում են երկու երկրների միջև ռազմական համագործակցության մասին համաձայնագրի համաձայն:
Ուսումնավարժանքների փուլերից մեկը կանցկացվի երկրի պաշտպանության նախարար Զաքիր Հասանովի և Թուրքիայի 3-րդ բանակի հրամանատար Ումիթ Դյունդարի վերահսկողության ներքո:
Զորավարժանքները կտևեն մինչև մայիսի 16-ը:
Ավելի վաղ, հունվարին Անկարա կատարած այցի ընթացքում Իլհամ Ալիևը հայտարարել է Թուրքիայի հետ ռազմատեխնիկական համագործակցության զարգացման շուրջ ծրագրերի մասին:
