Սոչիում շուրջ երկամսյա նորմայով տեղումների հետևանքով հեղեղումներ են սկսվել. քաղաքի ղեկավարությունն արդեն սկսել է մարդկանց տարհանումը: Կրասնոդարի նահանգապետի ժամանակավոր պաշտոնակատար Վենիամին Կոնդրատևը հայտարարել է, որ իրավիճակն այս պահին ծայրահեղ չէ, սակայն նշել է, որ հարկավոր է պատրաստ լինել ամեն ինչի: Նա նշել է, որ հարկավոր է ամեն ինչ անել, որպեսզի իրավիճակն ավելի չբարդանա:
Առավոտից Սոչիի կենտրոնական փողոցները հայտնվել են կես մետր բարձրությամբ ջրի տակ: Ջուրը ողողել է նաև երկաթուղու ռելսերը, քաղաքի օդանավակայանը, ինչի հետևանքով շատ մարդիկ ստիպված են եղել ավելի երկար սպասել իրենց չվերթներին:
