Մադրիդի «Ռեալը» երեկ պաշտոնապես հայտարարեց թիմի լեգենդար դարպասապահ և ավագ Իկեր Կասիլյասի հեռանալու մասին: Դարպասապահը կարիերան կշարունակի «Պորտուում», որի հետ կնքել է 2 տարվա պայմանագիր:

Ժամանակակից ֆուտբոլի լավագույն դարպասապահներից մեկն իսպանական թիմի սան է և իր պրոֆեսիոնալ կարիերան սկսել է հենց «Արքայական ակումբում», որտեղ հանդես եկավ 16 տարի՝ սկսած 1999թ-ից:

«Ռեալի» կազմում Կասիլյասը մասնակցել է 725 խաղի, հինգ տարի անընդմեջ (2008-2012) ճանաչվել է աշխարհի լավագույն դարպասապահ, հինգ անգամ հաղթել է Իսպանիայի առաջնությունում, երկու անգամ՝ գավաթի խաղարկությունում, երեք անգամ՝ Չեմպիոնների լիգայում:

Ստորև ներկայացնում ենք դարպասապահի մադրիդյան կարիերայից մի փոքր հատված:

Դարպասապահի մասնակցությամբ առաջին մրցաշարը՝ մադրիդցիների պատանեկան թիմում

Մոստոլեսի փողոցներից մեկն անվանվեց ի պատիվ Կասիլյասի

  1997թ. AS-ը գրում է մի դպրոցականի մասին, ով մարտահրավեր է նետել Չեմպիոնների լիգայում «Ռոսենբորգի» դեմ խաղում

Կասիլյասը՝ կարիերայի սկզբին

1999թ-ի սեպտեմբերի 12. Կասիլյասի նորամուտը Պրիմեր լիգա՝ «Ատլետիկոյի» դեմ հանդիպում:

2000թ., Լավագույն երիտասարդ խաղացողի մրցանակը դարպասապահը ստանում է Ալֆրեդո Դի Ստեֆանոյից

 Ավելի վաղ՝ մայիսին, ամենաերիտասարդ դարպասապահը հաղթում է Չեմպիոնների լիգայում

2001/2002թթ. Չեմպիոնների լիգա. հենց այն փոխարինումը: Կասիլյասը դուրս եկավ և խաղաց

Նախկին թիմակիցների՝ Զիդանի, Բեքհեմի և Ռաուլի հետ

Ռոնալդուի, Մարսելոյի, Ռամոսի, Մոուրինյուի հետ

Կասիլյասը և իր էմոցիաները

 Կասիլյասը և մրցանակների մի մասը

Մադրիդցիների 10-րդ գավաթը՝ Չեմպիոնների լիգայում

Կասիլյասի բոլոր մրցանակները՝ մադրիդյան թիմում

Սերխիո Ռամոսը թիմակցին հրաժեշտի խոսում շնորհակալություն հայտեց. «Մեծագույն ավագ, շնորհակալություն քեզ»:

«Ցավալի է, որ Իկերը հեռացավ այն ակումբից, որին շատ տարիներ տվել է ամեն ինչ: Նա լավ ընկեր է, հիանալի մարդ և ֆուտբոլի պատմության լավագույն դարպասապահներից մեկը... «Ռեալի» իսկական լեգենդը: Շնորհակալություն, ընկեր»,- ասել է Դևիդ Բեքհեմը: