Ֆուտբոլի Հայաստանի առաջնության առաջին խմբի առաջնությունում հանդես կգան նոր ակումբներ։ Լրագրողների հետ հանդիպման ժամանակ այս մասին ասաց ՀՖՖ նախագահ Ռուբեն Հայրապետյանը։
«2017/18 թվականի առաջնությունում կլինի նոր՝ «Լոռի» ակումբը։ Կլինի նաև «Արցախ» անունով ֆուտբոլային ակումբ, որը հանդես կգա առաջին խմբում և որի սեփականատերերը արտերկրի հայեր են։ Ակումբը կկրի Երևանի «Արցախ» անունը»,- ասաց Հայրապետյանը:
Խոսելով Հայաստանի բարձրագույն խմբի առաջնության մակարդակի մասին՝ Հայրապետյանը փաստեց, որ դրական ոչ մի փոփոխություն չկա։ «Հաջորդ տարվանից դուք էլ կտեսնեք այն փոփոխությունները, որոնք կանենք։ Մյուս առաջնությունն ավելի հետաքրքիր կլինի։ Ներկայում Հայաստանի առաջնությունը հետընթաց է ապրել»,- ասաց ՀՖՖ նախագահը:
