Եվրոպայի քրդերը բազմամարդ ցույցեր են անցկացնում ի նշան սիրիական քրդաբնակ Աֆրինում թուրքական զինված ուժերի կողմից քրդերի դեմ ուղղված «Ձիթենու ճյուղ» ռազմական գործողության:
Այս մասին հայտնում են թուրքական ԶԼՄ-ները:
Նմանատիպ բողոքի ակցիաներ են կազմակերպել Շվեդիայի, Նիդեռլանդների, Ֆրանսիայի, Ավստրիայի, Դանիայի, Նորվեգիայի քրդական համայնքների ներկայացուցիչները:
Թուրքիայի զինված ուժերը հունվարի 20-ից Սիրիայի Աֆրին շրջանում քրդերի դեմ ռազմական գործողություն են սկսել, որը ստացել է «Ձիթենու ճյուղ» անվանումը: Այդ օրը թուրքական 72 ռազմական ինքնաթիռ ռմբակոծել են քրդերի դիրքերը, ինչից հետո թուրք զինվորներն անցել են սիրիական սահմանը: Գործողություններին մասնակցում են զգալի թվով զինվորներ ու զինտեխնիկա: Թուրքական զինուժն Աֆրին նահանգ է մտել 3 ուղղությամբ:
Թուրքիայի նախագահ Ռեջեփ Թայիփ Էրդողանը ևս մեկ անգամ հայտարարել է, որ թուրքական զինված ուժերը սիրիական Աֆրինից հետո կարող են շարժվել Մանբիջ և այնտեղ նույնպես պայքարել քրդական զորամիավորումների դեմ:
