ՀՀ առողջապահության նախարարությունը «Շանթ 2018» հրամանատարաշտաբային զորավարժության շրջանակում պայմանականորեն բերվել է բարձր պատրաստականության վիճակի: «Արմենպրես»-ի փոխանցմամբ՝ այս մասին սեպտեմբերի 12-ին ՀՀ պաշտպանության նախարարությունում տեղի ունեցած մամուլի ասուլիսի ընթացքում լրագրողներին հայտնեց ՀՀ առողջապահության նախարարի մամուլի խոսնակ Լիանա Եղիազարյանը:

«Ելնելով ստեղծված պայմանական իրավիճակից, որ հանրապետության երեք մարզերում հրետակոծությունների հետևանքով ունենք զոհեր և վիրավորներ, առողջապահության նախարարությունն օպերատիվ կապ է պահում թե՛ մարզերի բուժհաստատությունների, թե՛ այլ գերատեսչությունների հետ՝ ուշադրության կենտրոնում պահելով օգնության կարիք ունեցող քաղաքացիների ու զինծառայողների վիճակը»,- ասաց խոսնակը:

Նախարարությունը պայմանական աշխատանքներ է իրականացնում նաև Արմավիրի մարզում տեղակայված փախստականների ճամբարում:

«Հայ-թուրքական սահմանից Հայաստան ներխուժած շուրջ 400 քուրդ փախստականները տեղակայվել են Արմավիրի մարզում: Այստեղ կենտրոնացվել են ԱՆ հիվանդությունների վերահսկման և կանխարգելման ազգային կենտրոնի ուժերը՝ կանխելու այստեղ հիվանդության տարածումը: Իրականացվում են հակահամաճարակային քայլեր: Փախստականներին տրամադրվում է բժշկական օգնություն»,- նշեց առողջապահության նախարարի մամուլի խոսնակը:

Պայմանականորեն ուժեղացվել են մարզերի բուժկենտրոնները՝ ցանկացած պահի անհրաժեշտ քայլեր ձեռնարկելու համար:

Համապետական նշանակության «Շանթ-2018» զորավարժությունը պլանային բնույթի է և նպատակաուղղված է պաշտպանությանը պետության անմիջականնախապատրաստության և ագրեսիայի հետմղման ընթացքում պետական և ռազմական կառավարման մարմինների զորահավաքային նախապատրաստությանպատրաստականության բարձր աստիճանների բերման ունակությանվերստուգմանըփոխգործակցության և գործողությունների ներդաշնակության մակարդակի բարձրացմանըՀաշվի առնելով Հայաստանի շուրջ և մերձատարածքում ստեղծված ռազմաքաղաքական իրադրությունըզորավարժության սցենարումառկա մտացածին հակառակորդը և իրավիճակը առավելապես համապատասխանեցված են իրականությանը: