«Գագիկ Ծառուկյան» բարեգործական հիմնադրամը հերթական անգամ խոշորամասշտաբ աջակցություն է տրամադրել  Գեղարքունիքի մարզի ավելի քան 115 զինծառայողների  ծնողների:  Հիմնադրամի աջակցությամբ  Մարտունի քաղաքի և հարակից գյուղերի  զինծառայողների  ծնողները  հնարավորություն են ունեցել այցելել Արցախ և  տեսակցել իրենց որդիներին:  Քաջ գիտակցելով  սահմանների ամրության ու սահմանպահ զինվորների դերն ու նշանակությունը՝   Գագիկ Ծառուկյանը մշտապես ուշադրության կենտրոնում է պահում  զինծառայողներին ու նրանց ընտանիքներին:

Արցախի զորամասեր այցելելու և որդիներին տեսակցելու համար ծնողներին տրամադրվել են հարմարավետ ավտոբուս  և առաջին անհրաժեշտության պարագաներով լի ծանրոցներ:

Գագիկ Ծառուկյանի հանձնարարությամբ  ծանրոցներ են տրամադրվել նաև այն զինծառայողների ծնողներին, ովքեր, գյուղատնտեսական աշխատանքներով  և տարբեր խնդիրներով  պայմանավորված, չեն կարողացել մեկնել Արցախ:  ԱԺ փոխնախագահ Վահե Էնֆիաջյանը, ԲՀԿ խմբակցության պատգամավորներն ու ԲՀԿ կանանց խորհրդի փոխնախագահը Մարտունիում հանդիպել են  զինծառայողների ծնողների հետ, նրանց փոխանցել Գագիկ Ծառուկյանի ուղերձն ու զինվորների համար  պատրաստած ծանրոցները: