SHAMSHYAN.com-ի տեղեկություններով՝ Ոստիկանության Կենտրոնական բաժնի հետաքննչական բաժանմունքում խարդախություն կատարելու հատկանիշներով նյութեր են նախապատրաստվում։ Ինչպես հայտնում է ֆոտոլրագրող Գագիկ Շամշյանը, նոյեմբերի 16-ին Երևանում Սարյան և Ամիրյան փողոցների խաչմերուկում անհայտ անձը մոտեցել է նշված հատվածում գտնվող հեծանվորդ 14-ամյա Դ․Ի-ին և վերադարձնելու պայմանով նրանից վերցրել է «Տոտեմ» տեսակի հեծանիվը։ Սակայն կարճ ժամանակ անց անհայտ անձը, երեխային թողնելով փողոցում, խաբեությամբ տիրանալով հեծանիվին, հեռացել է։ Ֆոտոլրագրողի տեղեկություններով Դ․Ի․-ի հայրը Արցախի Հանրապետության պաշտպանության բանակի լեգենդար «Եղնիկներ» զորամասի շտաբի պետ Ս․ Իվանյանն է։ Եվ մինչ վերջինս իր լեգենդար հրամանատար Կարեն Ջալավյանի ու հերոս ու լեգենդար սպաների ու զինվորների հետ «Եղնիկներ»-ում պոստերն են պահում, Երևանում ինչ-որ ստահակ երեխայի հեծանիվն է գողանում։