Ռուսական զորքերի ելքը Խերսոն թույլ է տվել ապաշրջափակել Հյուսիսային Ղրիմի ջրանցքը եւ վերականգնել Ղրիմի թերակղզու ջրամատակարարումը, հինգշաբթի ասել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, փոխանցում է «ՌԻԱ Նովոստի»-ն:

«Ղրիմի ուղղությամբ գրոհային ջոկատների եւ օդադեսանտային զորքերի համատեղ օգտագործումն ապահովեց ռուսական զորքերի ելքը Խերսոն քաղաքի մոտ։ Դա թույլ տվեց ապաշրջափակել Հյուսիսային Ղրիմի ջրանցքը եւ վերականգնել Ղրիմի թերակղզու ջրամատակարարումը»,- ասել է նա։

Ինչպես հաղորդում է ՏԱՍՍ-ը, վկայակոչելով ՌԴ ՊՆ-ն, ՌԴ զինված ուժերի հարվածների արդյունքում շարքից դուրս է բերվել Ուկրաինայի ռազմական ենթակառուցվածքի 83 ցամաքային օբյեկտ:

Օպերացիայի սկզբից խոցվել է Ուկրաինայի զինված ուժերի երկու «Սու-27», երկու «Սու-24», մեկ ուղղաթիռ եւ չորս «Բայրակթա ՏԲ-2» հարվածային անօդաչու թռչող սարք:

ԴԺՀ-ի եւ ԼԺՀ-ի զորքերը ճեղքել են Ուկրաինայի Զինված ուժերի էշելոնացված պաշտպանությունը, առաջ են անցել 6-8 կմ-ով։