«Թրանսփերենսի ինթերնեշնլ» հակակոռուպցիոն կենտրոնից տեղեկացնում են, որ Ժուռնալիստների «Ասպարեզ» ակումբի խորհրդի նախագահ Լեւոն Բարսեղյանը էլեկետրոնային նամակով բողոք է հղել ՀՀ ԿԸՀ նախագահ Տիգրան Մուկուչյանին, որում մասնավորապես ասվում է. «Պարոն Մուկուչյան, Երեւանի 08/08 տեղամասում' 179 դպրոց, Օհանով, փ., Ա-3 թաղ., մի քանի հանրապետականներ լցվել են ներս, պահանջում են ԶԼՄ ներկայացուցիչ (Ժուռնալիստների «Ասպարեզ» ակումբի www.asparez.am եւ «Գյումրի-Ասպարեզ» օրաթերթ) Կարեն Հարությունյանին եւ դիտորդ Ռուզան Գրիգորյանից (Թրանսփարենսի ինթերնեյշնլ հակակոռուպցիոն կենտրոն ՀԿ)' դուրս գալ տեղամասից, տեսախցիկի լիցքավորող սարքը գողացել են' հարձակվել են դիտորդի վրա, սկսել են սպառնալ, հայհոյել են վերջինիս, ... Խնդրում եմ հրատապ միջոցներ ձեռք առնել ԶԼՄ ներկայացուցչի եւ դիտորդի իրավունքները վերականգնելու համար»:
