Ինչպես տեղեկացնում է Առողջապահության համաշխարհային կազմակերպության ամենամյա զեկույցը, յուրաքանչյուր մեքսիկացի տարեկան խմում է միջինում 163 լիտր գազավորված ըմպելիք, ինչը 45 լիտրով շատ է ԱՄՆ-ի բնակիչների միջին ցուցանիշից: Մեքսիկան գազավորված ըմպելիքների սպառման քանակով աշխարհում զբաղեցնում է 1-ին տեղը՝ առաջ անցնելով ԱՄՆ-ից:

Բժիշկների տեղեկություններով՝ հենց գազավորված խմիչքների հանդեպ մեքսիկացիների տածած սերն է հանդիսանում երկրում ավելորդ քաշից և շաքարային դիաբետով տառապող մարդկանց մեծ քանակի պատճառը:

Այս կապակցությամբ բժիշկները նույնիսկ առաջարկել են 20% հատուկ հարկ գանձել գազավորված խմիչք գնելու դիմաց՝ փորձելով այդկերպ պայքարել բնակչության ճարպակալման դեմ: