HayNews.am-ի տեղեկություններով` Գորիսի քաղաքացիական ակտերի կացության բաժնի՝ ԶԱԳՍ-ի, պետ Լորետա Բարսեղյանն ազատվել է աշխատանքից:
Նա Սյունիքի նախկին մարզպետ Սուրիկ Խաչատրյանի կինն է:
Հիշեցնենք, որ վերջերս լուրեր տարածվեցին, որ Սյունիքի մարզպետը հեռացել է Հայաստանից: Նա մեզ հետ զրույցում հաստատեց, որ հանրապետությունում չեն ընտանիքով, բայց վերադառնալու են:
Գորիսի քաղաքապետ Նելսոն Ոսկանյանի հեռախոսն անհասանելի էր, ուստիեւ չհաջողվեց ճշտել, արդյո՞ք տիկին Բարսեղյանն իսկապես ազատվել է աշխատանքից:
HayNews.am-ը զանգահարեց նաեւ Գորիսի ԶԱԳՍ: Այստեղ մեզ պատասխանեց աշխատակցուհին: Նա ասաց, որ Բարսեղյանը տեղում չէ:
«Չէ, ինչո՞ւ պիտի ազատվի: Պարզապես Երեւան է, նախարարություն է գնացել, վկայականներ բերելու»,-ասաց աշխատակցուհին:
