Գերմանիայի առաջնության 27-րդ տուրում Դորտմունդի «Բորուսիան» արտագնա խաղում 3:1 հաշվով առավելության հասավ «Աուգսբուրգի» նկատմամբ:
Հաշվի մեջ առաջինը առավելության հասան դաշտի տերերը`16' րոպեին գոլ խփեց Ֆինբուգասոնը: Առաջին խաղակեսի ավարտին (45') Նուրի Շահինի փոխանցումը արդյունավետ եզրափակեց Հենրիխ Մխիթարյանը: Թիմերը 1:1 հաշվով էլ գնացին ընդմիջման: Հավելենք, որ մեր հավաքականի ավագը 24' րոպեին ստացավ դեղին քարտ:
Երկրորդ խաղակեսում դորտմուդցիները ևս երկու գոլ ուղարկեցին «Աուգսբուրգի» դարպասը: 69-րդ րոպեին աչքի ընկավ Գոնսալո Կաստրոն, իսկ վեց րոպե անց Ադրիան Ռամոսը հաշիվը դարձրեց 3:1:
Այս հաղթանակից հետո դորտմունդցիները իրենց միավորների քանակը հասցրին 64-ի և Բունդեսլիգայի մրցաշարային աղյուսակի երկրորդ տեղում են:
