Իրանի կառավարությունը հայտարարել է միջուկային զենքի ամբողջական վերացման անհրաժեշտության մասին, հաղորդում է ISNA գործակալությունը:
«Իրանն ընդգծում է միջուկային զենքի ամբողջական վերացման անհրաժեշտությունը, որպես միջազգային անվտանգության պահանջ և միջուկային զենքի չտարածման վերաբերյալ պայմանագրի պարտավորություն»,- ասված է հաղորդագրության մեջ:
Հայտարարության մեջ նշվում է նաև միջուկային սպառնալիքից մարդկության պաշտպանությանն ուղղված բոլոր ջանքերին ակտիվ մասնակցելու մտադրությունը:
Ավելի վաղ, Պան Գի Մունը հայտարարել է, որ Իրանի և «վեցնյակի» համաձայնագիրը կփրկի աշխարհը միջուկային զենքից:
