Կոլումբիայի օդուժի տասնմեկ զինծառայող զոհվել է երկրի հարավում տեղի ունեցած ավիավթարի հետևանքով: Ըստ նախնական վարկածի` ինքնաթիռը հայտնվել է փոթորկի էպիկենտրոնում, ինչից հետո կայծակ է հարվածել: Այս մասին հայտնում է LifeNews-ը:
Ի սկզբանե հաղորդվել էր, որ ինքնաթիռի կործանման հետևանքով զոհվել է 12 մարդ: Այդ մասին, մասնավորապես, «Twitter»-ի իր միկրոբլոգում գրել է երկրի նախագահ Խուան Մանուել Սանտոսը:
«Մենք ցավում ենք սարսափելի ավիավթարի համար, որի զոհ է դարձել կոլումբիական օդուժի 12 հերոս», - ասված է հաղորդագրության մեջ:
Ավելի ուշ, զոհերի թիվը ճշգրտվել է և պարզվել է, որ կործանված ինքնաթիռում եղել է 11 մարդ:
