Նեզավիսիմայա Գազետա ռուսական պարբերականը հրապարակել է փորձագիտական կարծիք այն մասին, որ ադրբեջանական Թերթեր բնակավայրի մոտ Ադրբեջանի զինուժի լայնածավալ զորավարժությունը վկայում է Ադրբեջանի հարձակողական մտադրությունների մասին: Ըստ գեներալ-լեյտենանտ Յուրի Նետկաչեւի, այդ շրջանում զորավարժությունը թերեւս միտում ունի փորձարկել Ղարաբաղի զինուժի ամենաթույլ պաշտպանված հատվածը ճեղքելու տարբերակը: Նետկաչեւը երկար ժամանակ ծառայել է Հարավային Կովկասում, եւ Նեզավիսիմայա Գազետան նշում է նաեւ, որ այդ փորձագետը կանխատեսել էր ռուս-վրացական օսական պատերազմը՝ հարավային Օսիայի սահմանին ամերիկա-վրացական զորավարժության ժամանակ:
Փորձագետի կարծիքով, Թերթերի հատվածը լինելով լրիվ հարթավայրային, հայկական կողմի պաշտպանական գծի առավելագույն խոցելի հատվածը կարող է հանդիսանալ, քանի որ մնացյալ՝ լեռնային հատվածներում հայկական զինուժը կազմակերպել է ամուր եւ նաեւ ոչ թանկ պաշտպանություն:
Նաեւ հետաքրքրական զուգահեռ է անցկացվում, որ 1994 թվականին պատերազմը ավարտվել է հենց այդ գոտում, եւ փաստացի կարող է նաեւ այդտեղից էլ վերսկսել կամ նոր պատերազմը կարող է սկսվել:
Միեւնույն ժամանակ, նշվում է, որ Հայաստանում էլ վարժանքներ են անում Ռուսաստանի ռազմակայանի եւ հայկական բանակի ստորաբաժանումները՝ մասնավորապես հետախուզական եւ տանկային: Տանկային ստորաբաժանումները վարժանքներ են իրականացնում լեռնային պայմաններում:
Ըստ հրապարակման, դա Ադրբեջանի հարձակման դեպքում թուրքական կողմից հնարավոր ներխուժումը կանխելու համար է:
Այդ ամենին զուգահեռ, ադրբեջանական զինուժը մի քանի օր է կրկին գնդակոծում է Հայաստանի Տավուշի մարզի սահմանամերձ շրջանները: Հայաստանի պաշտպանության նախարարությունը հայտնում է, որ իրավիճակը լիովին վերահսկելի է:
Նեզավիսիմայա Գազետան գրում է, որ պատերազմի վերսկսման դեպքում ռազմական գործողությունների գոտի հավանաբար մուտք կգործեն Ռուսաստանի կամ ավելի շուտ ՀԱՊԿ-ի խաղաղապահները:
Արդյոք դա չէ այն ամենի նպատակը, ինչ ռազմական իմաստով ներկայում գեներացվում է տարածաշրջանում: Արդյոք Ռուսաստանն ընդամենը խնդիր չի դրել կրկնել այն, ինչ տեղի ունեցավ Վրաստանում 2008 թվականին. բլից պատերազմ, որով ըստ էության որեւէ ստատուս-քվո չխախտվեց, այլ ընդամենը Հարավային Օսիայում եւ Աբխազիայում Ռուսաստանն ունեցավ լեգիտիմ ռազմական ներկայացվածություն:
Արդյոք ներկայում Մոսկվան չի փորձում նույնն անել նաեւ ղարաբաղյան գոտում՝ չխախտել ստատուս-քվոն, բայց հանդիսանալ արդեն դրա այսպես ասած լեգիտիմ երաշխավորը՝ ՀԱՊԿ խաղաղապահ մանդատով:
Բայց, պարզ է, որ Ռուսաստանն ի զորու չէ միայնակ հաջողել այդ սցենարը, եթե դրան հավանություն չտա Արեւմուտքը: Ընդհանրապես կարծես թե այդքան էլ որոշակի չէ, թե ինչ է մտածում հնարավոր պատերազմի մասին Արեւմուտքը: Այստեղ դիվաագետները շարունակաբար պնդում են, որ հակամարտությունը ռազմական լուծում չունի, բայց պարզ է նաեւ, որ հազիվ թե նրանք հակառակն ասեին՝ եթե անգամ մտածում են հակառակը:
Ի վերջո, համաշխարհային պատմության ընթացքը թե անցյալի, թե ներկայի իմաստով առավելապես հենց ռազմական, ոչ թե դիվանագիտական լուծումների պատմություն է: Տարբեր են եղել աստիճանները, բայց էական ու վճռորոշ գործոնը եղել է, կա եւ կմնա ռազմական հարաբերակցությունը:
Հատկանշական է մի բան, որ Արեւմուտքից դեռեւս որեւէ անգամ չի հնչել Հայաստանի անվտանգությունը երաշխավորելուն ուղղված հրապարակային հստակ հայտարարություն: Ինչու է Արեւմուտքը խուսափում դրանից՝ պարզ չէ:
ԱՄՆ պաշտպանության նախարարի թեկնածու Չակ Հեյգելը նախօրեին պատասխանելով հայ-ամերիկյան ռազմական գործակցության մասին հարցին, հայտարարել էր, որ ԱՄՆ ձգտում է խորացնել հայ-ամերիկյան գործակցությունը ռազմական բնագավառում: Բայց թե ԱՄՆ, թե ՆԱՏՕ-ն չեն շտապում հստակորեն հայտարարել, որ պատրաստ են ապահովել Հայաստանի անվտանգությունը:
Իսկ գուցե պատճառն այն է, որ Հայաստանը երբեք չի դրել այդ հարցադրումը Արեւմուտքի առաջ: 2008 թվականի պաշտոնամուտից հետո այցելելով Բրյուսել, Սերժ Սարգսյանը բավական կարկամ կերպով փորձեց կարծես թե բարձրացնել այդ հարցը, հայտարարելով, թե պատերազմի դեպքում ՆԱՏՕ-ն չի կարող չմիջամտել, քանի որ Ղարաբաղի նոր պատերազմը կնշանակի նաեւ սպառնալիք Եվրոպային, իսկ ՆԱՏՕ-ն ապահովում է Եվրոպայի անվտանգությունը:
Պաշտոնական Բրյուսելն այդ հայտարարությանը ըստ էության չի արձագանքել, մշտապես հայտարարելով, որ ՆԱՏՕ-ն չի միջամտում ղարաբաղյան գործընթացին: Ըստ երեւույթին, պետք է Արեւմուտքի առաջ հանդես գալ առավել հստակ հարցադրումով եւ առավել կոնկրետ գործակցության պատրաստակամությամբ:
Հայաստանի համար Արեւմուտքի հետ անվտանգության խնդիրների կոնկրետացումը խիստ էական է թե անվտանգության դիվերսիֆիկացիան առավել առարկայացնելու, թե դրանով տարածաշրջանային խաղն ավելի բազմազանեցնելու, ու թե այդպիսով Ղարաբաղի ուղղությամբ հնարավոր պատերազմի համատեքստում աշխարհաքաղաքական ավանտյուրաներից հնարավորինս հուսալի ապահովագրվելու համար:
Ի վերջո, երբ հարցն այն է, թե ով կսկսի պատերազմը, իրավիճակն առավել ապահով է, քան երբ այդպիսի հարց չկա եւ պարզ է, թե պատերազմն ով կսկսի:
Ո՞վ կսկսի պատերազմը Ղարաբաղում
18:44 - 13.Փետրվար.2013
Առաջարկում ենք նաև
02/05/16 15:56
Պատերազմը Ղարաբաղում. Արդյունքները՝ մեկ ամիս անց
04/04/16 18:38
Ալիևի արագընթաց պատերազմը Ղարաբաղում ձախողվեց, եկավ Ստեփանակերտի՝ խաղի մեջ մտնելու ժամանակը
05/09/14 00:58
Պատերազմը Ուկրաինայում կավարտվի՞, թե՞ կսկսի նոր լայնամասշտաբ պատերազմ Ռուսաստանի և NATO-ի միջև
12/02/24 14:44
Ռուսաստանն ու Ադրբեջանը համաձայնեցնում են Ղարաբաղում ռուսական խաղաղապահ կոնտինգենտի ներկայությունը. Ադրբեջանում ՌԴ դեսպան
22/01/24 17:20
Գարդման-Շիրվան-Նախիջևան միության անդրադարձը Լեռնային Ղարաբաղում ադրբեջանական բռնազավթման տնտեսական մոնոպոլիաներին
06/11/23 13:40
Բլինկենը ժամանել է Թուրքիա
21/10/23 16:40
Օդի ջերմաստիճանն աստիճանաբար կբարձրանա 2-4 աստիճանով
Ամենադիտված
Լրահոս
08:53
«Ծիծեռնակաբերդ»-ում Աննա Հակոբյանի և դստեր դեպքով քննչականում քրեական վարույթ է նախաձեռնվել․ կան ձերբակալվածներ
08:48
«Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ
08:31
«Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում
23:17
Ամենայն Հայոց Կաթողիկոսը հոգևորականներին պատգամել է հայ ժողովրդին ուղղորդել ճշմարտության ճանապարհով
23:00
Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով
20:20
10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար
18:22
Կոկաինի տակ եմ եղել. մասիսցի ուսուցչուհին ատելություն է դրսևորել արցախցիների նկատմամբ (տեսանյութ)
16:24
Ադրբեջանից կներկրվի գազը, Թուրքմենստանից, թե Եգիպտոսից, միևնույն է՝ երկրի ներսում սակագնային քաղաքականություն թելադրողը հենց «Գազպրոմն» է լինելու․ Դավ...
14:00
Ադրբեջանից Նախիջևան կապը պետք է ապահովվի միջազգային վերահսկողությամբ` ՌԴ սահմանապահներով. Ալիև
13:20
Հայոց ցեղասպանության ժխտումը հանգեցրել է աշխարհում նոր ոճրագործությունների. Շվեդիայում ՀՀ դեսպան
11:55
Ասում են թշվառի կինը գնացքով Գյումրի է գալիս, ժամը 11։00-ին կլինի կայարանում. իրավապշտպան Կարապետ Պողոսյան
09:53
«Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. ...
09:20
«Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ
09:10
«Եթե ուզում ես հարցին քաղաքական լուծում տալ, ուրեմն քայլերն էլ պետք է քաղաքական լինեն». «Փաստ»
08:35
Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ»
23:35
Մենք պետք է պատրաստվենք միասնական պայքարի` հանուն Հայրենիքի փրկության և հզորացման. «Միասնություն» համազգային շարժում