Երևան-Արմավիր երթուղու վարորդներն այսօր վաղ առավոտից բողոքի ակցիա են իրականացնում կառավարության շենքի մոտ : Նրանք այստեղ են բերել երթուղին սպասարկող մի շարք Գազել մակնիշի միկրոավտոբուսներ և երթուղին սպասարկող ՍՊԸ-ի կողմից գնված բոլորովին նոր Mercedes մակնիշի միկրոավտոբուսները։

Ակցիայի մասնակիցները ԼՈՒՐԵՐ.com-ի հետ զրույցում նշեցին, որ բողոքի ակցիայի կազմակերպիչը գնացել է Տրանսպորտի և կապի նախարարարարություն խնդիրը քննարկելու և այդ պատճառով ոչինչ չցանկացան խոսել:

 

Նախարարությւունից ակնկալիքների մասին ակցիայի մասնակիցները ասացին միայն.

«Ակնկալում ենք դեղին պետհամարանիշներ ստանալ, որ կարողանանք գծում քշել: Նոր ավտոներ են, ոչ մի անգամ չենք քշել»:

Նշենք, որ վարորդները արդեն մի քանի օր է՝ բողոքի ակցիա են իրականացնում: