«Ռուսաստանում անհրաժեշտ է կառուցել բարաքներ ներգաղթյալների համար, ովքեր շուտով կժամանեն Իրանից»,- այս մասին հայտարարել է ՌԼԴԿ նախագահ Վլադիմիր Ժիրինովսկին հարցազրույցի ժամանակ:
«10 տարի առաջ ես ելույթ ունեցա այս դահլիճում և ասացի, որ Իրայելը որոշել է հարված հասցնել Իրանին...Այդ որոշման իրականացումն արդեն իսկ սկսվել է: Ոչ միայն ռազմանավերն են շարժվում, այլ նաև բանակը՝ 120 հազար մարդ. նույնքան, որքան Իրաքի ներխուժման ժամանակ»:
Նրա խոսքերով՝ 10 տարի առաջ պետք է անհրաժեշտ միջոցները ձեռնարկվեին, քանի որ Իրանի հակամարտությունը վտանգ է ներկայացնում նաև Ռուսաստանի Դաշնության համար:
«Դա հենց մեր սահմանի վրա է. դա Կասպիցն է, Ադրբեջանը, Երևանը. ամեն ինչ կփլուզվի: Միլիոնավոր ներգաղթայլներ կժամանեն...Եկեք արագ բարաքներ կառուցենք ներգաղթյալների ընդունելության համար: 10 տարվա ընթացքում մենք միլիոնավոր բարաքներ կկառուցեինք, իսկ հիմա ի՞նչ ենք անելու, որտե՞ղ կգան այդ ներգաղթյալները: Նրանք կջախջախեն Երևանը, Բաքուն, Թբիլիսին, իսկ հետո հերթը կհասնի Հյուսիսային Կովկասին: Հետո Աստրախանը, Վոլգոգրադը և Միջին Ասիան»,- կանխատեսել է Ժիրինովսկին:
