Վրաստանի վարչապետին կից COVID-19- ի դեմ պայքարի միջգերատեսչական համակարգող խորհուրդը արգելել է հարսանիքներն ու բազմամարդ այլ միջոցառումները՝ կապված երկրում կորոնավիրուսի դեպքերի կտրուկ աճի հետ: Այս մասին հայտնում է ՏԱՍՍ-ը՝ հղում կատարելով կառավարության վարչակազմի ղեկավար Նատիա Մեզվրիշվիլիի հայտարարությանը: Կանոնակարգն ուժի մեջ է մտնում հինգշաբթի՝ սեպտեմբերի 10-ին: «Իրականում, մենք վերադառնում ենք ավելի վաղ գործող սահմանափակումներին», - պարզաբանել է Մեզվրիշվիլին: Վրաստանի Առողջապահության նախարարության վերջին տվյալների համաձայն՝ երկրում գրանցվել է կորոնավիրուսային վարակի 1773 դեպք։ Մահացել է 19 մարդ: